Til hovedsiden
Presentasjon Bøker Nye dikt Nytt Artiklar Tilbakemelding Lenker
 
   Tilbakemeldingartilbake    << 24 25 26 27 28 29 30 >>
 
Eg har blitt 70Posta av Helge    02/09-13  11:33
Eg blei 70 sist tirsdag (den 27/8). Og eg blei feira på laurdag/søndag. Familie og venner møttest, bilete i lokalavisa.

Litterært blei eg intervjua for avisa Varden. Avisa Dag og Tid hadde omtale fredagen før, i Jan Erik Vold (og to andre) si diktspalte. Avisa Klassekampen kom ut på fredag etterpå med noko, på deira spesielle bursdagsside der kvar veke. Eg trur at Norsk Telegrambyrå laga notis. Alt dette er eg nøgd med. Mange helsingar har eg fått. Og eg lærte også noko av det, mange opplysningar og påminningar å få.

Ps:
Kan hende blei eg litt avbroten i tankerekkja (tidlegare i dag). Her er ein sluttsats: Omsorg du har gjeve, kjem tilbake når du vågar å feire 70. Det er slik det er.


Posta av Helge    03/09-13  18:26
Takk, Erik.


Posta av Helge    03/09-13  18:38
Om montasje


Også Jan Erik Vold les no (altså i Dag og Tid) «harepusdiktet» som montasje, tykkjer eg, dvs barnevise kopla på bjørnsonsk folkevise kopla på Sigbjørn Obstfelder, før brotet i «Hvem er det som snakker?» til slutt. Ja, omtrent slik eg gjorde det sjølv i Norsk avantgarde, for eit par år sidan.


Montasjen er hovudingrediens i den klassiske avantgarden, fortalde Peter Bürger, og på dette punktet hadde han eit stort poeng som folk faktisk har gløymt. Her kan eg vel snart by på ein artikkel om bruken av montasje i notida sin lyrikk, td slik som i Kristin Berget si nyaste diktbok. Vonar eg. Materialet til den brukte montasjen kan gjerne vere svært ulik, poenget er at verknaden av samanstillinga må vere kraftig eller slåande intens, tykkjer eg.


Ps 4/9:
Skjebnen har knytt Jan Erik Vold og meg, trass i ulikt nedslag, saman som poetar, fordi Jan Erik Vold fullt ut ikkje kan bli forstått utan visse nødvendige kunnskapar om den klassiske avantgarden, dvs særleg da Picasso, Apollinaire og han med pissoaret på utstillinga. Noko liknande vil ein truleg finne ut om meg, og sjå at avantgardekunnskapar trengst i norsk omtale av lyrikk. Det manglar både fantasi og kunnskapar, er eg så uerbødig å seie her.


Posta av Helge    04/09-13  13:28
Til bursdagen min fekk eg også eit spøkefullt hyllingsdikt, det var frå bror min, Olav, og mynta på fødsel (under krigen blei eg fødd ein stad og han ein annan stad) og også mynta på ungdomstida vår med jazz-skiver og lytting:

Til lykke med dagen du
Mysens mester
Hjertelig hilsen fra
lillebror til Lester


Posta av Helge    30/09-13  10:23
Det er stadig nokon inne og les Rudolf Nilsen-kommentaren min. Det kan tyde på at ein nettstad har lagt ut lenke til denne kommentaren. Og samtidig kan det tyde på at for nokon så er kunstnaren Rudolf Nilsen framleis aktuell og levande.



Respons:*
Navn:*

Event. e-post:

Event. heimeside:

Fyll inn teksten på bildet nedenfor:*



 
Denne siden er laget av Kjartan Rykkja © 2004 - 2015 Helge Rykkja Logg inn