Til hovedsiden
  Heim  >  Nytt 2014  2013  2012  2011  2010  2009  2008  2007  2006  2005  2004 
 Des  Nov  Okt  Sep  Aug  Jul  Jun  Mai  Apr  Mar  Feb  Jan 

Nytt Mar 2006

Dikt om dans
Mandag 27.

nypoesi.net
Lørdag 18.

Ibsengransking og Dag Solstad
Onsdag 15.

Mandag 27. Mars 2006

Dikt om dans

Norsk-pakistanske Adil vann nyleg ein av danseseriane på TV, fortent, men knapt, føre ei jente. Den nyaste dansetrenden har vori tema på diktsidene før (26/11). Eg har skrivi dikt om dans heilt frå 1966, i debuten BOK. Der var det eit dikt om magedans og eit dikt om Josephine Baker .

I diktsamlinga Filosofi, sa du (1994) har eg skrivi t.d korte dikt om dans . Er det nært mellom dikt og dans - ? Eit av dei nyaste dikta mine er:



forfatta til Mara Lee på festivalen

Martha Graham skal ha uttalt at dansarar har eit ekstra bein, ein ekstra lem. Den unge poeten Mara Lee gav seminaret oppgåva: Kva har poetar av ekstra til å hjelpe seg med?

Martha Graham står i vinkel
Fela ho let
Steinar Opstad står som ein stein
Mamma og pappa står tête-à-tête

Kva skal vi med alle våre hender
og neglar på tusen meter?
når vi kan dikte eit vers

Mara i sin diktarham talde oss
Såg eg Ingrid med si talte skam
Der var også Lina lyttande
Martha står i vinkel




Her er ein større artikkel om dans .
Og her er to svært korte dikt om dans.


Det beste diktet som er skrivi nokongong om dans, er Alf Prøysens «Vårvise», med refrenglinja: Det er «æiller fali for den som dæinse». Om diktet framleis har moral å servere her i landet (og det trur eg), så er dette like mykje til middelaldrande som ikkje dansar, men berre sit og drikk, som til unge «ute på livet».