|
Aksjonar for kontraktane?
Torsdag 17. November 2005 |
|
|
Norske forfattarar gjer det bra, både heime og ute. Jamført med mange forfattarar i utlandet har norske forfattarar gode kontraktar. Men dette trengst også i eit lite språksamfunn - jamført med dei store verdsspråka i Europa, slike som engelsk, fransk, tysk, spansk, portugisisk, russisk osv, med sine potensielt raske marknader. Men i Noreg skjer - slik som også i andre land - ei sterk liberalisering av bokmarknaden, med skjerpa priskonkurranse som ikkje tener breidda i ny norsk litteratur eller for den del breidda i høgverdig ny omsett litteratur. Og den norske normale kontrakten for forfattarane er stadig i fare for å tape i verdi, for dei fleste forfattarane.
Det er planlagt (etter eit bra medlemsmøte i forfattarforeininga) faglege forfattarklubbar ved/til dei største norske forlaga: Og merk: bestseljande forfattarar går saman med dei mange normalseljande i den viktige planleggjinga av eventuelle aksjonar, slik at ein skal kunne stå godt rusta til det som kjem. Forhandlingar er i gang om avtalene kring den nye marknaden, der m.a fastprisen på bøker er blitt meir og meir uthola og underordna dei siste åra mot forfattarane sine interesser.
|
|
|
|
|
|
