Til hovedsiden
  Heim  >  Nytt 2018  2017  2016  2015  2014  2013  2012  2011  2010  2009  2008  2007  2006  2005  2004 
 Des  Nov  Okt  Sep  Aug  Jul  Jun  Mai  Apr  Mar  Feb  Jan 

Nytt Nov 2005

Poesitid slutt?
Tirsdag 29.

Dans i fokus
Lørdag 26.

Språkhumanisme?
Torsdag 17.

Aksjonar for kontraktane?
Torsdag 17.

Slampoetane
Tirsdag 1.

Tirsdag 1. November 2005

Slampoetane

Torgeir Rebolledo Pedersen og Morten Wintervold vann noregs-meisterkapen i slampoesi med respektive første og andre plass. Eg gratulerer dykk. Gratulerer!

Landsfinalen var i Oslo. Først Torgeir, som debuterte i 1983 med «Tidr» og deltok aktivt i stuntpoetane; han deklamerte eit av dikta frå debut-samlinga, diktet populært kalt «knape tidr», som siste innslag i slam-finalen. Elles veit eg at han har eit ovlangt dikt som NtEU har send ut til alle lokallag, og som faktisk vi i Kragerø er så heldige å få høyre opplesi på eit møte med foredrag av Heming Olaussen i morgon kveld. Morten Wintervold er ein ung mann, busett Tromsø, med si andre diktsamling nett ute, dessutan jobbar han saman med andre i eit planlagt nytt tidsskrift. Berre kort om dette no.

Her er ei lenke til Dagsavisens slamreportasje.


Ps 2/11, ei lita soge: Torgeir R og eg kjenner kvarandre frå Raud Front-leirar tidleg i åttiåra, eg trur denne var 1982 på Hove militærleir, og vi tilhøyrde begge den staselege Clash-brigaden s.m Panter-jenter frå Trondheim med grønmåla neglar, vi hadde eige kor dirigert av ei ung libanesar-dame & låg på topp i Klassekampen-salet; på Kro-kvelden las Torgeir første gong (iallfall så eg høyrde det) EVOLUSJONENS RØST eller «knape tidr», og eg las joggediktet mitt og eg las refreng-diktet RASKATROLL. Eg meiner at dei aller første åra av 1980-talet var ei bra tid for kunsten, iallfall poesien! - før det spora av - og tok heilt av med «høgrebølgje» og næringslivssponsing av kunsten. Ei bra tid? Jamfør stuntpoetane sit spel. Det var stuntpoetane som tok bort bokstavar i namnet til kulturminister Lars Roar Lengslet, inspirerte av diktet til Torgeir Rebolledo (ordet m/spansk uttale) Pedersen. Den dag i dag er «knape tidr» eit av dei best kjende dikta i Kragerø, fordi folk, andre enn forfattaren, har praktisert å sitere det. Og Oslofolk som er publikums-dommarar i slamtevlingar, set tydelegvis pris på dette konkretistiske diktet, der bokstavar, mange bokstavar, blir slukt og borte...