Til hovedsiden
  Heim  >  Nytt 2017  2016  2015  2014  2013  2012  2011  2010  2009  2008  2007  2006  2005  2004 
 Des  Nov  Okt  Sep  Aug  Jul  Jun  Mai  Apr  Mar  Feb  Jan 

Nytt Jun 2010

Fjellet ved Ivar Orvedal
Onsdag 30.

Gustaf Fröding
Onsdag 23.

Diktbøkene hittil 2010
Tirsdag 22.

Fløgstad og Argentina
Søndag 13.

Kunsten sine grenser
Tirsdag 8.

For backlist 30 %
Lørdag 5.

Samtale med Dante
Onsdag 2.

Onsdag 30. Juni 2010

Fjellet ved Ivar Orvedal

Når juli kjem, så byrjar fjellet si tid, fjellet si sommarstid, sakte men sikkert. Derfor vil eg levere vidare dikt om fjellet, etter løyve frå forfattaren, Ivar Orvedal. Lyrikaren Ivar Orvedal er kjend for å samarbeide med musikarar og kunstnarar, og han er sjølv ein ivrig fotograf. Foto som har med dei følgjande diktsekvensane å gjere, kan du prøve å få deg over epost ved å skrive til: ivar@orvedal.no



VARDANE FORTEL SITT


vardane fortel sitt
mange går vegen
men først måtte noken gå seg vill

ein etter ein over Sognefjellet
Asbjørnsen, Wergeland, Ibsen,
Holberg og Oscar Frederik
(Vinje gjekk på tvers av leia)

vidare gjennom historia
og ingen veit heilt sikkert om dei fann fram,
om dei fann staden dei hadde tenkt seg

dei dagane fjellstormen rasa
stirde dei i taket og tenkte at
slik steinbu har større rom enn ei kyrkje

for ei lita stund er vi berga
og akkurat slik kjennest det,
overnatte på same stad som æve,
den som alltid er på vandring

heller ikkje det tapte let seg eige for alltid
og det finaste av alt
ingen bauta er reist til minne
om det som er borte

treng du ly ei natt på vegen,
denne bua står framleis open


*


Liabrekulen, Illvassnosi, Tverrådalskyrkja,
Veslesmeden, Kaldbekkbotn, Svarthammaren,
kva skyldskap har fjellet til namnet sitt?

den etymologiske alderen var fort omme

språket tok over
munnen får ikkje vere med lenger


*


ein gråstein lettar
flyttar seg litt bortover

det er ein fugl seier ho

ho snakkar med dei orda som har overlevd
og sangen har fått ein annan tone


*


oransj tirsdagsmorgon
mild vind frå sør

fluge av falkefjør
Kringletjernet,
det er himmel det

så stor var fisken

diktar Arild der oppe, høyrer du?

her ved Kringlestølen din,
det er dei same viktige orda
som svirrar i lufta


*


vegen attende
og vegen vidare

det løysnar eit rop
eit tigande som var brent fast i fjellet

eit ekko overvintra

seier det noke anna nå
enn då ingen kunne høyre det


*


det er ikkje utan verknad,
kva stad det neste skal skje

ane opprinneleg kvile

gjentakelsen er den magiske tida
før verden begynnar


*


oppdagelsen
i same
lengselstund

den vakre rørsla

løfte fossil
kambriumengel

legge den
forsiktig attende


*


gravitasjonen framleis synleg

begerkorall
datert 400 millionarsalderen

steinsamlar skal få den
det er vakkert å sjå
når han løyser lag
av forsteina ordovicium

forsiktig frigjer sin kjærleik


*


ingen bestemte mål idag

Fjellsveve, Bergveronika, Raudsildre

og alle kjenslene
som han ikkje veit namnet til



Strofer og mobilfotoskisser frå dei nemnde stadene: Ivar Orvedal