|
Det trønderaktige
Tirsdag 12. April 2005 |
|
|
Festivalen i Trondheim startar om to kveldar. Vi skal inn i lyrikken sitt naboskap, i lydkunst og film, video og jazz m.a. Opninga i kjellaren på Olavshallen rommar deltakarane Claes Andersson, Ellen Einan, Helge Rykkja, Mara Lee, Yoko Tawada, Øyvind Ådland. Men i salen er vel fleire av dei utanlandske, slik at eg kan servere nokre ultrakorte av mine, på engelsk, som ein gest, saman med dikt frå «Slutningar til knes». I bokhandelen fredag skal eg dra også nokre korte på trøndsk. Trønder-AVISA har gjort eit intervju som fokuserer på ein mann som har kommi «heim» med dikta sine. (Delar av dette intervjuet skal eg seinare, etter festivalen, sitere frå i spalta Tilbakemeldingar.) Det finst noko trønder-aktig hos Rykkja. Namnet Rykkja er elles eit stadnamn på skilt og kart i Skatval, som i dag er ein del av Stjørdal kommune.
PS: Eg har no fått sjå utkast til engelske omsetjingar som Dagrun Bennett har gjort av ca 60 dikt frå BOK og Poesi.
|
|
|
|
|
|
