|
Omsetjing, gjendikting, pådikting
Mandag 31. Desember 2007 |
|
|
Denne siste dagen i året slumpar eg til å skrive om det internasjonale poetmiljøet og om påverknad på tvers. Tradisjonelt har ein omsett eller gjendikta framand poesi eller lesi han på originalspråket. (Og det har til dels vori ein mjuk overgang mellom omsetjing og gjendikting, det vil eg seie, ein overgang mellom desse verksemdene pågåande nokså lenge.)
Men den fine byttinga av gåver og brukte klede og tankar har funni fleire og nye former, noko dei to siste nettnumra (særleg det siste) av nypoesi.net demonstrerer .
Nok om det. Visste du at Så seile vi på Mjøsa er ei gjendikting? Det er godt gjort av Prøysen: fått rikt og lett dikt. Ikkje sant? Eg skal forresten, og dette kom eg på i same no, til eit søskenbarntreff i juni. Gjøvik... Og eg hadde nemleg 4 søskenbarn på Gjøvik den gongen som eg budde i Elverum. I programmet på treffet står m.a vakker sjøtur med hjulbåten Skibladner langs Mjøsas breidder... Og i morgon den dag går vi alle i heile verda inn i det internasjonale potetåret 2008! Heilt greit for meg.
Ps 6/3-08: Henning Hagerup har ein krtisk og mykje lesen artikkel om omsetjing & gjendikting i Vagant, på nettet.
|
|
|
|
|
|
