Til hovedsiden
  Heim  >  Nytt 2018  2017  2016  2015  2014  2013  2012  2011  2010  2009  2008  2007  2006  2005  2004 
 Des  Nov  Okt  Sep  Aug  Jul  Jun  Mai  Apr  Mar  Feb  Jan 

Nytt Jul 2007

Snø og kunst
Fredag 27.

Satire i eventyrverda/ Potter
Søndag 22.

Drangedal Bortforklaring
Søndag 15.

Vise- og lyrikkfestival
Lørdag 14.

Bokbyen, Tvedestrand
Lørdag 7.

Slam, ikkje spam, Gvarv
Tirsdag 3.

Lørdag 7. Juli 2007

Bokbyen, Tvedestrand

Kva er ein bokby? I morgon skal vi reise nokre mil og svippe innom bokbyen i Tvedestrand. Og før - for nokre år sidan - såg eg bokbyen som blei starta i 1995, inne i naturskjønne Fjærland, Sogn. Vel, i morgon kveld kjem eg til å høyre på Terje Dragseth. Og det blir eit referat her. Nok no med ei lenke .



Referat søndag 8/7: Ein bokby i Tvedestrand - det kan vere ei mengd bokhandlarar på rekkje og rad, over tjue i talet, bokbyen kan vere den største bokbyen i verda. Ein bokhandel kan vere søndagsstengd, men bokhylla står på trappa, slik at du kan forsyne deg for ei lesestund på hytta og sleppe myntane gjennom nøkkelholet i bokhandlardøra.

Alle slags bøker kan du få tak i ved å reise til ein bokby, alle slags tema, nye og gamle bøker etc etc. Det berre spørst kva du leitar etter. For tida er det full turisme i Tvedestrand, freistande maritime måltider i nedre del av byen, den delen der husa er eldre og ikkje er forsynte med verandaer i særleg grad. Men med opne byrom. Var det Tvedestrand som var det kjende «Trangvik» kanskje?

Den eldste delen av Tvedestrand ligg ned mot den tronge Tvedestrand-fjorden. Men kommunen er vid, og han inneheld også store øyer og opne havstykke (Lyngør fyr). Ved Sagesund ligg vakre Galleri Sage-sund, der opna det i går ei utstilling med Kjell Nupens grafikk (da med temaet «løpande» som det sterkaste temaet). Og Atle Pakusch og Terje Dragseth underheldt med poesi og musikk, i hagen.

Ja, Terje Dragseth brukte både trekkspel og ei myndig lese-røyst for å servere dikt frå Kvitekråkas song . Ikkje hadde eg høyrt det før. Mål-føret hadde minningar til gammalnorsk... Det hadde elles tatt opp i seg Kristiansandsdialekt og nynorsk. Poesien bruker mange portar og legg trykket på lyd på vegen til kjensler - . Kvitekråkas song rommar også ein cd med sju spor. (Etter å ha høyrd også på cd: Eg trur eg kan seie at Terje Dragseth er ein av dei som blomstrar i det estetiske klimaet som finst, både pga samfunnsengasjementet hans og pga den sterke vilja hans til å utfordre heile estetikken gjennom det mulitikunstnariske.)


På dette viset er det ei slags ferietid over nettstaden (eg meiner fuglar og slikt); det er villbringebær, markjordbær og opplæring av dei minste barnebarna - .