|
Lyrikk frå alle tider
Mandag 25. Juni 2007 |
|
|
Ti personar, litteratar, forfattarar og mediefolk, sette seg fore å plukke ut tjuefem bokverk frå alle tider i Noreg. Og så dei gjorde. Mellom desse fine bokverka nemnde dei elleve lyrikkverk, det blei denne lista:- Voluspå
- Nordlands Trompet (av Petter Dass)
- Jødinnen (av Henrik Wergeland)
- Ferdaminni, dikt og prosa (av Aasmund Olavsson Vinje)
- Peer Gynt, dikt, drama (av Henrik Ibsen)
- Digte (av Sigbjørn Obstfelder)
- Hemmelig liv (av Rolf Jacobsen)
- Dropar i austavind (av Olav H. Hauge)
- Fra en annen virkelighet (av Gunvor Hofmo)
- Mor Godhjertas glade versjon. Ja (av Jan Erik Vold)
- Solaris korrigert (av Øyvind Rimbereid) Eg snakkar om litteraturfestivalen på Lillehammer, der arbeidet til juryen blei offentleggjort. Med i juryen var: Liv Bliksrud, Inger Bråtveit, Ane Farsethås, Ragnar Hovland, Jan Kjærstad, Janike Kampevold Larsen, Audun Lindholm, Marta Norheim, Erik Vassenden og Henning Hovlid Wærp.
Les om heile lista på tjuefem bokverk, om «kanoniseringa av Fridtjof Nansen» (På ski over Grønland) og kanoniseringa av dei andre bøkene i Karin Haugens reportasje . Her trykkjer du deg vidare til lista, lista forsynt med korte vuderingar av bokverka.
Ni år etter at andre verdskrig slutta, kom diktboka Hemmelig liv ut. Forfattaren, Rolf Jacobsen , som hadde deltatt under krigstida som nazist og blei fengsla ei tid for det, Rolf Jacobsen, han hadde da skrivi dette diktet om «SORGFULLE TÅRN»:Slavene hadde veldige hender og bygde sorgfulle tårn.
De hadde hjerter av bly og skuldre som fjellvegger og bygde sorgfulle tårn.
De hadde hender som stenhammere og bygde berger av taushet.
De står i Burgund og Ballbek og Xeres da la Frontera.
Askegrå murer over skogene, panner av sten og tungsindige øyne,
mange steder på jorden
hvor svaler går ut i store sløyfer i luften
som lydløse svepeslag.
|
|
|
|
|
|
