|
Electronic Poetry Festival
Tirsdag 15. Mai 2007 |
|
|
Det finst andre spennande og annleis festivalar. Det finst til dømes ein Electronic Poetry Festival i Paris , som går no frå søndag 20. til onsdag 23. mai. Der er Jeorg Piringer med. Han tok del i Bergen Poesifestival med eit verk som likna på «konkret musikk», Spambot; det var hausten 2005. Der er Maria Engberg, som hadde eit fint essay på nettidsskriftet nypoesi i fjor vår, inne i Paris-programmet alt søndag, opningsdagen... Ho bruker omgrepet «digital poesi» i essayet, som rommar mange dikt-prøver på nettet (bra i seg sjølv).
Den som opnar ballet i Paris, er Clemente Padin.
Og der er, ser eg, eit norsk namn:
Bjørn Magnhildøen, både nettpoet og nettkunstnar, presenterer ein stor produksjon, med på programmet onsdag kveld. Berre for å nemne folk vi burde vite om på den internasjonale deltakarlista i Paris. Ein annan norsk som reiser til festivalen, er da Samlaget sin visuelle poet, Ottar Ormstad .
|
|
|
|
|
|
