Til hovedsiden
  Heim  >  Nytt 2017  2016  2015  2014  2013  2012  2011  2010  2009  2008  2007  2006  2005  2004 
 Des  Nov  Okt  Sep  Aug  Jul  Jun  Mai  Apr  Mar  Feb  Jan 

Nytt Apr 2007

Handtverk og litteratur
Mandag 30.

Artist gjennom eld og vatn
Lørdag 28.

Theodor Kittelsen og sjel
Mandag 23.

Erin Brockovich
Søndag 15.

Telemark mållag
Torsdag 12.

Lyrikkhåndboken. Kanon
Onsdag 11.

Jon Michelet og litlive
Mandag 2.

Mandag 30. April 2007

Handtverk og litteratur

Det er heilt klårt ei nokså ny tid i litteraturverda, mest tydeleg kjem dette ut i grannelandet Sverige, der det er heilt ferske forfattarnamn som kjem direkte fram på alle frontar, og det er no nett desse folka som ivrar også for ein kvalitet på handtverket... For 1.mai-nummeret til Klassekampen intervjuar den observante Karin Haugen desse to svenske forfattarane: Martina Lowden og Elise Karlsson. Og avisingressen er som følgjer:
Litteraturkritikere har en konservativ forståelse av håndverk i litteraturen, mener svenske Martina Lowden og Elise Karlsson. Nå inviterer de til kunnskapsjakt og debatt

Dei to har skapt - i tillegg til vellykka internettidsskrift & rett etter store bokverk - eit nytt «Verskonstens ABC», der dei blant anna fort kjem til alliterasjon og assonans og at kritikarane ikkje ein gong veit skilnaden på desse to verkemidla. For min del vil eg meine og hevde at alliterasjon (eks: framlydsrim som «gods og gull») heile tida har blitt brukt i dikt på eit eller anna nivå. Derimot assonans, som er halvrim, slikt som stol/fot og hår/på i folkevisa Margjit Hjukse, og som blir uhemma brukt både i folkeviser og i pop-lyrikk, i lang tid har vori bannlyst frå innkjøpt poesi! Dette gjer ordvalet mindre og ordbruken fattigare.

Men hugs når vi snakkar om desse fenomena: Skal alliterasjonar eller assonansar kunne nytast og i det heile merkast, må vi ha å gjere med vektlagde ord i diktet.

Elise Karlsson fortel nokså fargerikt i intervjuet (sitat): «Mange kritikere påstår at jeg brukte mye alliterasjon i min bok. Men det gjør jeg ikke, jeg jobber med assonans. Og de vet ikke hva det er, selv om de er litteratur-kritikere.(...)».


Den nyaste generasjonen, slike som Lowden og Karlsson, får også rask framgang og ros. Her skriv Åsa Strøm, ca midt på treet i vurdering, om Martina Lowden sin debutroman .


Innleiingsvis kom eg innom første mai, og eg ønsker dykk alle ein god 1.mai! Dei to personlege parolene mine for dagen er: Fritt palestina! Riv muren i Palestina! Parolen for dagen i heimbygda blir farga av den siste veka som har gått: Valdtekt er overgriparen sitt ansvar!


Ps
Her kan eg presentere eit eigeprodusert dikt med lite framståande ende-rim, men likevel med svært mykje vokalassonans, diktet er henta ut frå BOK (i 1966).... Slik som eg sjølv får kjensle av vokalassonansane, så snakkar vi om: ute/huset/mursteins, om: grønne/rødlig og om: fram/tak, farge/graset, landskapet/ markene:

Jeg går ute i det grønne landskapet. Det er vårens farge på graset. Huset står fram på markene med rødlig, vått mursteinstak.