|
Lyrikkanalane
Fredag 17. November 2006 |
|
|
Går lyrikkanalane under jorda? Kor blir det av dei tradisjonelle lyrikk-kanalane. Slik vi vel hugsar det, forsvann det faste radioprogrammet Poesitid frå P2. I år ser det ut til at Lyrikk & lunsj-seriane på Det norske Teateret blir desimerte. Det er no berre eit av forlaga igjen som satsar på dette forumet for poetane sine nye utgjevingar. Enda noko nytt er det store ryktet om at Dagbladet er blitt lei av si faste diktspalte på side to kvar dag. For å kompensere for tapa som vi ser for lyrikken, må nok lyrikarane hitte på nye lyrikkkanalar, nye sterke kanalar. Dette vil stille krav til ein ny lyrikk, kva veit eg?
Ps 17.desember: No er Dagbladdiktet i gang igjen, denne gongen frå kulturseksjonen midt i den tradisjonsrike dagsavisa, denne avisa som Jan Erik Vold feirar fortida til, med sine artiklar og utgjevingar. Eg har lesi den nye boka om faren, opphavet, journalisten Ragnar Vold. Alle Ragnar Volds antinazistiske artiklar frå 1930-talet er ei viktig historisk kjelde.
|
|
|
|
|
|
