Til hovedsiden
  Heim  >  Nytt 2017  2016  2015  2014  2013  2012  2011  2010  2009  2008  2007  2006  2005  2004 
 Des  Nov  Okt  Sep  Aug  Jul  Jun  Mai  Apr  Mar  Feb  Jan 

Nytt Sep 2006

Kameratsleg på P2
Onsdag 27.

Grand Manila
Søndag 24.

Alder og draum
Fredag 22.

Bygningsetaten
Fredag 15.

Husholdningregnskap, Gras m.m
Fredag 8.

Fãgerquist hit med Vysotskij
Torsdag 7.

Arne Heli: Sjølvbiografi
Søndag 3.

Fredag 22. September 2006

Alder og draum

Poet Odveig Klyve er allsidig og produktiv. Det er eit langt sprang frå den palestinske feminismen i Klyves omsetjing av Forugh Farrokhzad i fjor og til Odveig Klyves eiga skildring av ei gammal mors reise inn i drøymeland, med kjenslene til både mor og dotter, i diktboka Det andre blikket. Dette lange spranget gjeld også måten å skrive på. Eg vel eit dikt ca ein tredjedel inn i den ferske boka:
Eg trykkjer på heisknappen
Dørene glir opp til
den innestengde lufta av nykokt kaffi
og urin

Du sit i ein stol med gummihjul
og ansiktet ditt lyser når du
ser meg
Er det deg
seier du
Og eg ser at du leitar
etter namnet mitt
at du kjenner meg
men namnet er borte
Du lyser i glede
der du sit
med restar av egg på haka
Dette diktet - og mange andre utsnitt i boka - er presist og godt skrivi om noko vanskeleg som mange har røynd. Avslutninga «restar av egg på haka» har å gjere bl.a med at rollene mor/ dotter er blitt bytta om på alle måtar.
Du sleppte
og heldt meg fast
Du tok farvel
og tok meg til fange
Du viste meg vegen ut
og lokka meg attende

Ein fødsel
som aldri tok slutt
Boka skildrar ei stor rokkering av kjærleiksroller. Dette er sjølvsagt eit vanskeleg omskifte, som Klyve utfører direkte og utan for mykje unødvendig eller formildande pynt... Odveig Klyve er også barnebokforfattar og filmskapar.


Ps 11/1-07: Det står meldingar av boka på Odveig Klyves webside .