Til hovedsiden
  Heim  >  Nytt 2019  2018  2017  2016  2015  2014  2013  2012  2011  2010  2009  2008  2007  2006  2005  2004 
 Jul  Jun  Mai  Apr  Mar  Feb  Jan 

Nytt Jan 2019

Slike ting ein hugsar
Søndag 27.

Margaret Skjelbred
Lørdag 26.

Det som forma landskapet
Mandag 21.

...dypere verdner enn denne
Torsdag 17.

Færøyene (oss) i dikt
Tirsdag 15.

Hans Børli på konsert
Fredag 11.

Spredte døtre
Torsdag 10.

Framsyning basert på Hofmo
Søndag 6.

Bil og mobil
Torsdag 3.

Torsdag 3. Januar 2019

Bil og mobil

Kjartan Hatløy er ekspert på å skildre fuglar med dikt. Dette syner han også i den siste boka si, Menneskedagar (2018). Men det er andre framstikkande motiv enn fuglar som eg møter her. Diktet på side 12 byrjar slik:

Det er i bilen du verkeleg finst, i lukta av interiør, gjerne nytt
då styrer du meir av verda
då er du menneske
ja, men òg ein akselerert fart som kloden låner deg
bilen ja, iallfall dette, denne avansert forma masse gjev du alle ordrar
(…)

Bilkøyring. Meir eller mindre rastlaus bilkøyring blir stadig skildra i første del av den romanen som eg las i romjula, Per Pettersons Menn i min situasjon. (Og eg les ikkje mange romanar, pga veik lesekapasitet. Romanen var da også ei julegåve gjeve meg.)

Ja, det var ei god bok. Og eg liker nok at bilkøyring er blitt motiv i litteraturen, i dikt og roman. Eg set pris på at dei velbrukte tekniske tinga får sin nye litteratur.

Forresten tek Kjartan Hatløys diktbok også med mobilen. I alle sju dikta før Hatløy kjem til bildiktet på side 12, er poeten så elegant innom mobilen sin. Dette var meir elegant enn tittelen på boka var, og litt er, for meg.