|
Petrogradkvinnene
Mandag 8. Mars 2010 |
|
|
Diktet under blei sendt meg og også denne nettstaden (vil eg tru) i dag, 8. mars, frå multikunstnaren Ivar Orvedal. Han sende også med forslag til musikk og ein biletserie laga av han sjølv. Vil du ha denne biletserien, kan eg kanskje sende han pr epost.
8. MARS 2010 - ISLYSET
Klara Zetkin, Aleksandra Kollontaj og Petrogradkvinnene til minne, til lukke med dagen!
ikkje flytte fjellet
er ho så sterk
ikkje tømme havet
ikkje knuse skyene
ikkje massakrere alfabetet
ikkje rive ut augene hans
er ho så sterk
€ € €
halve vegen ligg bak oss
det er for seint å snu (seier ho)
det er no reisa tek til
og slik vil det vere
så lenge vi reiser (seier han)
alltid halve vegen framfor oss
alle veit at noken kjem til å komme
og straks må vi vidare
så lenge ingen veit at vi er komne
så lenge kan vi vente
€ € €
han står på hovudet
ho i fosterstilling
dei vaktar over det som aldri må komme ut
tilslutt frosne inn i isen
eigendelar datert 1930
dei elska hemmeleg
alt anna er uoppklart
det står i avisa
om mysteriet ved smørstabbreen
turkis kveldshimmel over staden
månen veksande
€ € €
kva er deg
kva er meg
vi vekslar om å
vere den som finn
og den som
blir funnen
€ € €
Tilrådd lydspor: Nina Simone: Songs of Freedom and Spirit
(Strofer og foto: Ivar Orvedal)
|
|
|
|
|
Nytt Mar 2010: Petrogradkvinnene
Mandag 8.
|
|
