Til hovedsiden
  Heim  >  Nytt 2017  2016  2015  2014  2013  2012  2011  2010  2009  2008  2007  2006  2005  2004 
 Jun  Mai  Apr  Mar  Feb  Jan 

Nytt Jun 2017

På Tiden forlag
Mandag 26.

Fengselsdikt
Torsdag 22.

Store skildringar av arbeid
Tirsdag 13.

Barnearbeid
Mandag 12.

Reinhaldarane sin dag
Søndag 11.

Baksideviser
Lørdag 10.

Bob Dylan sitt foredrag
Fredag 9.

Håvard Nilsen
Torsdag 8.

Mandag 26. Juni 2017

På Tiden forlag

Nyleg fekk eg i hende frå folkebiblioteket eit par nye utgjevingar gjort av Tiden forlag, to diktbøker som eg har lese. Tøff og drastisk med livet sitt og samstundes utfordrande til diktsjangren blei Ida Lórien Ringdal med boka Dette skjer ikke. Temaet er ulikevekt i kjærleik når den eine parten ønsker å stå mykje nærare enn det den andre parten (stadig) er budd på.

Og eg ville tru, ut ifrå eigne observasjonar i samtida, at eit slikt problem må vere vanleg og kanskje omseggripande mellom (la oss seie) folk midt i tjueåra. I boka er temaet iallfall sett på spissen. Ulikevekta mellom partane kan elles gå ut over begge to. I dei enkelte dikta er det jenta som har synsvinkelen, slik som her:


vi sier hei
vi klemmer
og jeg gleder meg
nesten
til du må dra
så jeg kan klemme deg
igjen


Kommentar: Det å prøve å utfordre diktsjangren kan, slik som her, vere gjort med stoff som nesten er ein «ready made». Sjølv om ikkje noko som vi har lese før t.d på skilt, er brukt. Så kjem iallfall ord her som er svært lett å tenkje seg brukt og som kan høyre til sosiale media sin heimebane. (Dei same orda plasserte mellom to diktpermar får fleire og meir ulike situasjonar.)

Den andre nye utgjevinga frå Tiden forlag som eg har lese, er Anna Rydstedt si bok Jeg var et barn (er gjendikta frå svensk). Ei diktbok som eg kjem tilbake til om eit par dagar.